Ижтимоий ҳимояни ривожлантиришда янгича ёндашувлар

Аннотация

Ривожланган мамлакатлар хусусида гап кетганида, биринчи навбатда, уларнинг аҳолиси учун яра-
тилган муносиб яшаш шароитлари тасаввуримизга келади. Бу мамлакатларда аҳоли ҳуқуқ ва манфа-
атларининг юқори даражада ҳимоя қилиниши, ишсиз, ногиронлиги бор шахслар ва пенсионерларнинг
давлат томонидан самарали қўллаб-қувватланиши кабилар уларда инсон қадри ва манфаатларини
устун қўйишга қаратилган кучли ижтимоий ҳимоя тизими амал қилаётганлигидан далолат беради.
Сўнгги йилларда айнан ана шундай ўндан ортиқ давлатларнинг тажрибасини чуқур ўрганиш ва
улардан малакали экспертларни жалб қилиш асосида мамлакатимизда ижтимоий ҳимоянинг янги
тизими − инсон қадрини таъминлашга хизмат қиладиган тизимни ривожлантиришга асосий эътибор
қаратила бошланди.