O‘zbekistonda makroiqtisodiy uyg‘unlikka erishishning asoslari

Аннотация

O‘zbekiston taraqqiyotidagi yangilanish davrida amalga oshiriladigan davlat siyosatining asosiy
yo‘nalishlarini belgilab bergan Harakatlar strategiyasi hamda O‘zbekiston Respublikasi Prezidentining tegishli
Farmoyishining qabul qilinishi mamlakat iqtisodiyoti va ijtimoiy-siyosiy rivojlanishiga katta turtki berdi. Ushbu
hujjat doirasida korrupsiyaga qarshi kurash, davlat xizmatlarini elektron shaklga o‘tkazish, davlat boshqaruvining
muhim institutlari faoliyatini belgilash, naqdsiz pul muomalasini tashkil etish hamda mamlakatning energetik
mustaqilligini ta’minlash kabi istiqbolli yo‘nalishlarni belgilab beruvchi hujjatlar qabul qilindi. Shu o‘rinda,
eng muhim va nufuzli qarorlar sifatida ikki asosiy hujjatni alohida qayd etish lozim: a) milliy valyutani erkin
konvertatsiya qilish asosini yaratib bergan tarixiy Prezident Farmoni1, hamda b) inflyatsiyani targetlash (ya’ni
maqsadli parametrlar doirasida ushlab turishga intilish) amaliyotiga o‘tishni belgilovchi Prezident qarori2.