Тадбиркорлик субъектларини ривожлантиришда саноат ипотекасининг ўрни

Аннотация

Бугунги кунда тижорат банкларининг аксарияти бирламчи ва иккиламчи кўчмас мулк бозорида анча
фаол бўлиб, унинг улуши асосан уй -жойлар ҳиссасига тўғри келади. Бошқача қилиб айтганда, узоқ
муддатли ипотека кредитлари деярли фақат уй-жой сотиб олиш учун бериб келинмоқда. Бу табиий
равишда уй-жой қурилиши билан шуғулланадиган корхоналар сонининг ошишига олиб келмоқда. Бироқ
мамлакатда қурилиш корхоналари учун яна бир катта имконият мавжуд бўлиб, у саноат объектлари-
нинг қурилишини амалга оширишда намоён бўлмоқда. Бундай имкониятни юзага чиқишида тижорат
банкларининг ўрни катта бўлиб, улар фуқароларга уй-жой сотиб олишлари учун узоқ муддатли ипотека
кредитлари бергани каби тадбиркорларга ҳам саноат объектларини сотиб олишлари учун узоқ муддатли
ипотека кредитларини беришни йўлга қўйишлари керак.