Ta’lim turizmining mohiyati va uni O‘zbekistonda rivojlantirish imkoniyatlari

Abstract

Turizm xalqaro iqtisodiy faoliyatning asosiy turlaridan biri bo‘lib, uning rivojlanishi savdo, transport,
aloqa, qishloq xo‘jaligi, qurilish, iste’mol tovarlari ishlab chiqarish kabi iqtisodiyot tarmoqlariga
rag‘batlantiruvchi ta’sir ko‘rsatadi va iqtisodiyotni qayta qurishning eng istiqbolli yo‘nalishlaridan hisoblanadi.
Ma’lumki, dunyo xalqlari tabiati, iqlimi turlicha bo‘lgan geografik mintaqalarda yashaydilar. Ular
qadimgi davrlardan to hozirgi kungacha doimiy yashash joyidan tashqaridagi tabiiy hamda insoniyat
tomonidan yaratilgan ajoyibotlarni ko‘rishni xohlaganlar. Antik davrdan boshlab sayohatning asosiy
motivlaridan biri ta’lim olish bo‘lgan. Shunday bo‘lsada, “ta’lim turizmi” nisbatan yangi tushuncha
hisoblanadi.