Tijorat banklari faoliyatini baholashda bank balansi va uning tahlili ahamiyatini oshirish

Abstract

Bozor iqtisodiyoti davrida banklar, Prezidentimiz ta’kidlaganidek, iqtisodiyotning
qon tomirlari hisoblanadi. Ularning faoliyatini tartibga solish va muvofiqlashtirish muhim
masalalardan biri bo‘lib qolaveradi. Chunki banklar iqtisodiyotda kredit munosabatlari va hisobkitoblarda
vositachilik vazifasini bajarib, barcha iqtisodiy subyektlarning barqaror faoliyat
yuritishi bank tizimining barqarorligi bilan chambarchas bog‘liq. Banklar ish yurituvchilar
faoliyatining uzluksizligini ta’minlash maqsadida ularni doimiy ravishda kredit mablag‘lari bilan
ta’minlab turadilar. Bundan tashqari, barcha iqtisodiy subyektlar o‘rtasidagi hisob-kitoblar banklar
orqali amalga oshiriladi. Shunday ekan, iqtisodiy munosabatlarning barqarorligi va
samaradorligini bank faoliyatisiz, uning barqaror rivojlanishisiz amalga oshirish mumkin emas.