Qishloq xo‘jaligi taraqqiyotining ustuvor yo‘nalishlari

Abstract

Qishloq xo‘jaligini isloh qilish va bozor mexanizmlarini joriy etish bo‘yicha keyingi yillarda salmoqli ishlar
amalga oshirildi. Bu esa, makroiqtisodiyotning barqarorligini va oziq-ovqat xavfsizligini ta’minlash bilan birga
aholi farovonligini oshirishda qishloq xo‘jaligi tarmog‘ining o‘rni g‘oyatda muhim ekanligini ko‘rsatmoqda.
O‘z navbatida, aytish lozimki, so‘nggi yillarda tobora kuchayib borayotgan iqlim o‘zgarishi, suv resurslarining
tanqisligi, yerlarning meliorativ holati buzilishi kabi muammolar sababli, O‘zbekistonda mazkur sohada
qator muammolar to‘planib qoldi. Bundan tashqari, yillar davomida ushbu sohada to‘laqonli bozor munosabatlariga
asoslangan islohotlarning amalga oshirilmaganligi, ya’ni ushbu soha davlat tomonidan eng ko‘p tartibga
solinadigan soha bo‘lganligi, davlat buyurtmasi, yerdan foydalanishga bo‘lgan huquqlarning cheklanganligi va
himoyalanmaganligi kabi muammolar ushbu tarmoqdagi unumdorlik, iqtisodiy samaradorlik ko‘rsatkichlarining
pasayishiga sabab bo‘ldi.